لە رووداوێکی تەقەکردندا دوو دادوەری تاران کوژران

وێستگەنیوز-

ئاژانسى هەواڵى تەسنیمى ئێران بڵاویکردەوە، نیوەڕۆی ئەمڕۆ شەممە 18ی کانونی دووەمی 2025، لەبەردەم بیناى دادگاى باڵاى تاران تەقە کراوە و بەهۆیەوە دوو دادوەریی دادگاکە کوژراون.

ئاماژە بۆ ئەوەکراوە، "ئەو کەسەى تەقەکانى کردووە کارمەندى دادگاکە بووە تەقەکانى ئاڕاستەى ژمارەیەک لە دادوەران کردووە و دواى رووداوەکە تەقەى لە خۆشى کردووە و خۆیشى کوشتوە".

بەپێی زانیارییەکانى تەسنیم کە لە زارى شایەتحاڵانى رووداوەکەوە وەریگرتووە، تەقەکان ئاڕاستەى چەند دادوەرێک کراون و تا ئێستاش رون نییە ئایا بریندار هەیە یاخود نا.

PM:12:19:18/01/2025

ئه‌م بابه‌ته 212 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت