بەهۆی هێرشەکانی ئیسرائیلەوە زیاتر لە 46 هەزار كەس لە غەززە گیانیان لەدەستداوە
وێستگەنیوز_
وەزارەتی تەندروستیی غەززە رایگەیاند، بەهۆی شەڕی نێوان وڵاتەکەیان لەگەڵ ئیسرائیلدا، تاوەکو ئێستا 46 هەزار و 645 کەس گیانیان لەدەستداوە.
وەزارەتی تەندروستیی غەززە رایگەیاند، كۆی گشتی ئەو كەسانەی لە 7ـی تشرینی یەكەمی 2023ـەوە لە غەززە كوژراون، گەیشتووەتە 46 هەزار و 645 كەس و زیاتر لە 109 هەزار كەسیش بریندار بوون.
وەزارەتەكە ئاماژەی بەوەشكردووە، تاوەکو ئەم ساتە تەرمی بەشێک لەو کەسانەی بەهۆی بۆردومانەکانەوە گیانیان لەدەستداوە لەژێر داروبەردی خانووە رووخاوەکاندا ماونەتەوە و تیمەکان سەرقاڵی دەرهێنانەوەی تەرمەکان و دۆزینەوەی ناسنامەکەنیانن.
لە شەوی 7ـی 10ـی ساڵی 2023، بزووتنەوەی حەماس بە پێنج هەزار موشەک هێرشی کردە سەر ئیسرائیل و ئەو وڵاتەش دەستیکرد بە وەڵامدانەوە، لەو کاتەشەوە تاوەکو ئێستا جەنگ لەنێوانیاندا بەردەوامە.
PM:02:53:15/01/2025
ئه‌م بابه‌ته 148
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت