کازاخستان.. لە رووداوێکی هاتووچۆدا 95 ئۆتۆمبێل پێکیاندا دا و هیچ بریندارێکی لێنەکەوتەوە
وێستگەنیوز_
لە کازاخستان بەهۆی خراپی دۆخی کەشوهەوا و بەستەڵەکی ڕێگەکان، لە یەکێک لە ڕێگە خێراکانی ئەو وڵاتە 95 ئۆتۆمبێل پێکیاندا دا.
ئێوارەی ئەمڕۆ هەینی 3ـی 1ـی 2025، بەڕێوەبەرایەتیی ڕێگەوبانەکانی کازاخستان رایگەیاند، ڕووداوەکە لەسەر ڕێگەی سەرەکی نێوان ئاستانە – پترۆپاڤل ڕوویداوە، بەڵام هیچ حاڵەتێکی مردن و بریندار تۆمار نەکراوە.
ئاماژەی بەوەشداوە، جیا لەوەی دۆخی کەشوهەوا دژوار بووە، بەڵام شۆفێرەکانیش پابەندی ڕێنماییەکانی هاتوچۆ نەبوون و بەهۆی خێراییەوە و نەیانتوانیوە مەودای دووری نێوانیان ڕەچاو بکەن، ئەمەش بووەتە هۆی ڕوودان و پێکدادانی زنجیرەیی.
PM:08:58:03/01/2025
ئه‌م بابه‌ته 216
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت