لە شاری تل رەفعەتی سووریا تەقینەوەیەک روویدا
وێستگەنیوز_
ئێوارەی ئەمڕۆ سێشەممە 31ـی 12ـی 2024، لە شاری تل رەفعەتی سووریا تەقینەوەیەک روویدا و بەو هۆیەوە 4 کەس بریندار بوون.
بە گوێرەی هەواڵەکانی سەرچاوە خۆجێییەکانی سووریا، ئەم ئێوارەیە ئۆتۆمبێلێک لە شاری تل رەفعەت لە باکووری پارێزگای حەلەب تەقیوەتەوە و بەو هۆیەوە 4 کەس بریندار بوون کە یەکێکیان منداڵە.
دوای تەقینەوەکە، هێزە ئەمنییەکانی سەر بە گرووپە چەکدارەکانی ناسراو بە سوپای نیشتمانیی سووریا کەوتنە ئامادەباشییەوە.
ئەمە سێیەم تەقینەوەیە لە کەمتر لە 10 رۆژدا لە ناوچەکانی ژێر کۆنترۆڵی گرووپە چەکدارەکانی نزیک لە تورکیا روودەدات.
PM:09:34:31/12/2024
ئه‌م بابه‌ته 692
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت