له مه‌نبج ته‌قینه‌وه روویدا و قوربانی لێكه‌وته‌وه
وێستگه‌نیوز-
له شاری مه‌نبجی سوریا ئۆتۆمبێلێكی بۆمبڕێژكراو ته‌قییه‌وه و به‌پێی ئاماره سه‌ره‌تاییه‌كان 11 كه‌س كوژران و بریندار بوون.
ئه‌مڕۆ سێشه‌ممه 24ی كانوونی یه‌كه‌می 2024، میدیاكانی سوریا رایانگه‌یاند كه له شاری مه‌نبج ئۆتۆمبێلێكی بۆمبڕێژكراو ته‌قییه‌وه.
به‌رگریی شارستانیی سوریا ئاماژه‌ی به‌وه‌دا كه به‌هۆی ته‌قینه‌وه‌كه‌وه 4 كه‌س كوژران و 7ی تر بریندار بوون.
له تۆڕه كۆمه‌ڵایه‌تییه‌كانیش ڤیدیۆی ته‌قینه‌وه‌كه بڵاوكرایه‌وه كه ئاگر له ژماره‌یه‌ك ئۆتۆمبێل به‌رزده‌بێته‌وه و ژماره‌یه‌ك كه‌س به جلوبه‌رگی سه‌ربازییه‌وه هه‌وڵی كوژاندنه‌وه‌ی ده‌ده‌ن.
میدیاكانی سوریا ئاماژه‌شیان به‌وه‌دا كه ئه‌و ناوچه‌یه‌ی كه ته‌قینه‌وه‌كه‌ی لێ روویداوه له‌ژێر كۆنترۆڵی گرووپه چه‌كداره‌كانی نزیك له توركیایه.
بۆ بینینی ڤیدیۆ کلیک لێرە بکە:
PM:07:01:24/12/2024
ئه‌م بابه‌ته 336
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت