دادگا بڕیاری چاودێریكردنی سه‌رۆكی پێشووی فه‌ره‌نسای له‌ڕێگه‌ی ملوانكه‌یه‌كه‌وه په‌سه‌ندكرد
وێستگه‌نیوز-
له هه‌نگاوێكی بێ وێنه‌دا به‌رامبه‌ر سه‌رۆكێكی پێشووی فه‌ره‌نسا، دادگایه‌كی ئه‌و وڵاته بڕیاری چاودێریكردنی نیكۆلا ساركۆزی سه‌رۆكی پێشووی له‌ڕێی ملوانكه‌یه‌كی ئه‌لیكترۆنییه‌وه په‌سه‌ند كرد.
ئاژانسی فرانس پرێس بڵاویكرده‌وه كه بۆ یه‌كه‌مجار له مێژووی فه‌ره‌نسا، بڕیاری كۆتایی دژی نیكۆلا ساركۆزی سه‌رۆكی پێشووی فه‌ره‌نسا ده‌رچوو تا بۆ ماوه‌ی ساڵێك له‌ڕێگه‌ی ملوانكه‌یه‌كی ئه‌لیكترۆنییه‌وه چاودێری بكرێت.
پارێزه‌رێكی سه‌رۆكی پێشوو رایگه‌یاندووه كه ساركۆزی به‌نیازه له‌به‌رده‌م دادگای مافی مرۆڤی ئه‌وروپا تانه له بڕیاره‌كه‌ی دادگای فه‌ره‌نسا بدات.
پێشتر و له ئایاری 2023دا دادگای تێهه‌ڵچوونه‌وه له پاریس به تۆمه‌تی گه‌نده‌ڵی و قۆستنه‌وه‌ی ده‌سه‌ڵاته‌كانی، سزای 3 ساڵ زیندانی به‌سه‌ر نیكۆلا ساركۆزی سه‌رۆكی پێشووی فه‌ره‌نسادا سه‌پاند كه ساڵێكیان جێبه‌جێ ده‌كرێت و به ملوانكه‌یه‌كی ئه‌لیكترۆنی ده‌خرێته ژێر چاودێرییه‌وه.
PM:04:38:18/12/2024
ئه‌م بابه‌ته 1000
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت