فەرماندەیی گشتیی سوپا و هێزە چەکدارەکانی سووریا: هێزەکانمان لە حەما کشایەوە
وێستگەنیوز_
فەرماندەیی گشتیی سوپا و هێزە چەکدارەکانی سووریا رایگەیاند، "لە ماوەی چەند ڕۆژی ڕابردوودا هێزە چەکدارەکانمان شەڕی توندیان بۆ بەرپەرچدانەوە و پووچەڵکردنەوەی هێرشی ڕێکخراوە تیرۆریستییەکان لە بەرە جۆراوجۆرەکانەوە کردووە".
ئەمڕۆ پێنجشەممە، 5ـی 12ـی 2024، فەرماندەیی گشتیی سوپا و هێزە چەکدارەکانی سووریا لە بەیاننامەکەدا دەڵێت، "لە ماوەی چەند کاتژمێری ڕابردوودا، لەگەڵ چڕبوونەوەی شەڕی نێوان سەربازەکانمان و گرووپە تیرۆریستییەکان و بەرزبوونەوەی ژمارەی کوژراوان لە نێو ڕیزەکانی هێزەکانماندا، ئەم گرووپانە توانیان بچنە ناو شاری حەما، سەرەڕای ئەوەی زیانێکی زۆریان پێگەیشتووە".
ئاماژەی بەوەشکردووە،"بۆ پاراستنی گیانی هاووڵاتیانی سڤیلی شاری حەما، ئەو یەکە سەربازییانەی لەوێ جێگیر بوون، گواسترانەوە بۆ دەرەوەی شار".
هەروەها دووپاتی دەکاتەوە کە: بەردەوام دەبێت لە جێبەجێکردنی ئەرکی نیشتمانی خۆی بۆ کۆنترۆڵکردنەوەی ئەو ناوچانەی کە ڕێکخراوە تیرۆریستییەکان چوونەتە ناویەوە.
PM:03:40:05/12/2024
ئه‌م بابه‌ته 384
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت