وەزیری بەرگری رووسیا گەیشتە كۆریای باكوور
وێستگەنیوز_
وەزیری بەرگری رووسیا بە سەردانێكی فەرمی گەیشتە كۆریای باكوور و بڕیارە ژمارەیەك كۆبوونەوە لە پیۆنگیانگ ئەنجامبدات.
ئەمرۆ هەینی، 29ـی 11ـی 2024، ئاندری بێلاسۆڤ، وەزیری بەرگری رووسیا لە فڕۆكەخانەی نێودەوڵەتی سونان لە پیۆنگیانگ لەلایەن جەنەڕاڵ نۆ گوانگ چول، وەزیری بەرگری كۆریای باكوورەوە پێشوازی لێكرا.
ئەم سەردانەی وەزیری بەرگری رووسیا دوای ئەوە دێت، كە لە مانگی حوزەیرانی ڕابردوودا، ڤلادیمیر پوتین، سەرۆكی رووسیا سەردانێكی دوو رۆژەی بۆ كۆریای باكوور ئەنجامدا.
ئەوەش لەكاتێكدایە كە رووسیا لە جەنگێكی هەزار رۆژەدایە لەگەڵ ئۆكرانیا؛ و مۆسكۆ هەمیشە دەوڵەتانی ناتۆ و ئەمریكا تۆمەتباردەكات بە پشتیوانی ئەو وڵاتە.
PM:02:55:29/11/2024
ئه‌م بابه‌ته 296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت