هاکان فیدان: لە داهاتوویەکی نزیکدا هەناردەکردنی نەوتی هەرێمی کوردستان دەستپێدەکاتەوە
وێستگەنیوز_
وەزیری دەرەوەی تورکیا
رایگەیاند، لە داهاتووەیەکی نزیکدا هەناردەکردنی نەوتی هەرێمی کوردستان
دەستپێدەکاتەوە.
ئەمڕۆ یەکشەممە، 24ی
تشرینی دووەمی 2024، هاکان فیدان، وەزیری دەرەوەی تورکیا، لە کۆنگرەیەکی ڕۆژنامەوانیدا
رایگەیاند، "پێشبینی دەکەم لە داهاتوویەکی نزیکدا هەناردەکردنی نەوتی هەرێمی
کوردستان دەسپێبکاتەوە."
لە بارەی پەیوەندییەکانی
نێوان سلێمانی و تورکیا، هاکان فیدان رایگەیاند، "باشتربوونی
پەیوەندییەکانمان لەگەڵ سلێمانی، لەسەر بنەمای پچڕانی پەیوەندییەکانیانە لەگەڵ
پارتی کرێکارانی کوردستان "پەکەکە".
وەزیری دەرەوەیتورکیا لە بارەی پەیوەندییاکانی
نێوان عێراق و تورکیا رایگەیاند، "بەهێزکردنی پەیوەندییە ئابووری
و وەبەرهێنانەکانی نێوان عێراق و
تورکیا یارمەتیدەرە بۆ باشتر چارەسەرکردنی کێشە ئەمنییەکان و بەدەستهێنانی گەشەپێدان و سەقامگیری
لە عێراق، پێویستی بە پاککردنەوەی وڵات لە ڕێکخراوە تیرۆریستییەکان هەیە".
ئەوەش لە کاتێکدایە، لە 25ی
ئایاری 2023،
بە بڕیارێکی دادگای ناوبژیوانی پاریس، هەناردەی نەوتی هەرێمی کوردستان ڕاگیرا، کە
ڕۆژانە 400 هەزار بەرمیل نەوت هەناردەی دەرەوە دەکرا.
PM:03:19:24/11/2024
ئه‌م بابه‌ته 236
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت