بۆ یەكەمجار تونێلی بەرگری لە تاران دروستدەكرێت
وێستگەنیوز_
لەدوای هێرشەكانی ئیسرائیل بۆسەر ئێران، بۆ یەكەمجار دەسەڵاتدارانی ئێران لە تارانی پایتەخت تونێلی بەرگری لە سەنتەری شارەكە دروست دەكەن.
بەپێی هەواڵێکی ئاژانسی "تەسنیم"ـی نزیك سوپای پاسدارانی ئێران، تونێلەكە دەكەوێتە سەنتەری شاری تاران و وێستگەیەك میترۆی تاران بە نەخۆشخانەی خومەینییەوە دەبەستێتەوە، بەوەش لە هەر حاڵەتێكی نەخوازراودا دەتوانرێت راستەوخۆ بریندار لە تونێلەكەوە بگەیەندرێتە نەخۆشخانە.
مانگی رابردوو ئیسرائیل هێرشیكردە سەر ئێران و چەند پێگەیەكی لە نزیك تاران كردە ئامانج، لە وەڵامی هێرشەكەی ئێران بۆ سەر ئیسرائیل لە تشرینی یەكەمی رابردوودا.
PM:10:39:12/11/2024
ئه‌م بابه‌ته 364
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت