ترامپ هێزەکانی لە سوریا ناکشێنێتەوە
وێستگەنیوز-
شارەزایەکی پرسەکانی رۆژهەڵاتی ناوەڕاست رایدەگەیەنێت، سەرۆکی نوێی ئەمریکا هێزەکانی لە سوریا ناکشێنێتەوە.
بەپێی هەواڵێکی ئاژانسی هەواڵی مێهر، جاشوا لاندی، شارەزای پرسەکانی رۆژهەڵاتی ناوەڕاست لە هەژماری تایبەتی خۆی لە تۆڕی کۆمەڵایەتیی ئێکس نووسیویەتی، "ئامادەبوونی هێزەکانی ئەمریکا لە ناوچەی ژێر کۆنتڕۆڵی کوردەکانی سووریا بەشێکە لە ستراتژیی ئەمریکا لە سووریا. کەواتە پێناچێت ئەو هێزانە لە سووریا بکشێنەوە".
ئاماژەی بەوەداوە، ئەمریکا نایەوێ دەوڵەتی ناوەندی سووریا دەستی بگاتە سەرچاوە دەوڵەمەندەکانی ناوچە، بەڵکو دەیەوێت ئەو وڵاتە هەروا لە ژێر دەستی گرووپە جۆراوجۆرەکان بێت.
لاندی جەختی لەوەش کردووەتەوە، تەنانەت ئەگەر ترامپ بیەوێ هێزەکانی ئەمریکا لە ناوچەی ژێر کۆنتڕۆڵی کوردەکانی سووریا بکشێنێتەوە، ئەوا بەشێک لە بەرپرسانی ئەمریکی کە پێشتریش لەو کارە پەشیمانیان کردبووە، مۆڵەتی ئەو کارەی پێ نادەن.
AM:09:12:12/11/2024
ئه‌م بابه‌ته 660
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت