ئیسرائیل دیمه‌شقی بۆردوومان كرد
وێستگه‌نیوز-
میدیای فه‌رمی حكومه‌تی سوریا بڵاویكرده‌وه كه، سوپای ئیسرائیل ده‌وروبه‌ری ناوچه‌ی سه‌یده زه‌ینه‌بی له باشووری دیمه‌شق بۆردوومان كرد.
ئاژانسی هه‌واڵه‌كانی سوریا "سانا" رایگه‌یاند كه كه‌مێك له‌مه‌وبه‌ر ئیسرائیل ده‌وروبه‌ری ناوچه‌ی سه‌یده زه‌ینه‌بی له باشووری دیمه‌شق بۆردومان كرد.
به‌پێی زانیارییه سه‌ره‌تاییه‌كانی ئاژانسه‌كه، مه‌زارگه‌ی سه‌یده زه‌ینه‌ب له‌و ناوچه‌یه هه‌یه كه ئیسرائیل بۆردوومانی كردووه كه، بۆ شیعه‌كان گرنگییه‌كی زۆری هه‌یه.
تا ئێستاش زانیاری زیاتر سه‌باره‌ت به زیانه‌كانی بۆردوومانكردنه‌كه‌ی ئیسرائیل بڵاونه‌كراوه‌ته‌وه، جگه له‌وه‌ی ئه‌و ناوچه‌یه‌ی بۆردوومانكراوه، ناوچه‌ی نیشته‌جێبوونی مه‌ده‌نییه.
PM:07:21:04/11/2024
ئه‌م بابه‌ته 448
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت