مەزڵوم عەبدی: ئامانجی هێرشەکانی تورکیا کۆتاییهێنانە بە بەڕێوەبەرایەتیی خۆسەر
وێستگەنیوز_
مەزڵوم عەبدی، فەرماندەی گشتیی هێزەکانی سووریای دیموکرات رایگەیاند، "ئامانجی تورکیا کۆتاییهێنانە بە بەڕێوەبەرایەتیی خۆسەر و ئێمەش رێگە بەوە نادەین."
ئەمرۆ شەممە 26ـی 10ـی 2024، مەزڵوم عەبدی، لە پەیامێکدا لەبارەی بۆردوومانەکانی تورکیا دەڵێت: "ئامانجی هێرشەکانی تورکیا کۆتاییهێنانە بە بەڕێوەبەرایەتیی خۆسەر و تێکدانی ئاسایش و سەقامگیریی ناوچەکە."
ئاماژەی بەوەشکردووە، هیچ پەیوەندییەکیان بە رووداوەکانی ئەنقەرەوە نییە، کە تیایدا هێرشکرایە سەر ناوەندێکی سەربازیی سوپای تورکیا.
ئەو فەرماندەیە باسی لەوەشکردووە، "هیچ چالاکییەکیان لە تورکیا و باکووری کوردستان ئەنجامنەداوە و ئەگەر تورکیاش لەسەر هێرشەکانی بەردەوامبێت، وەڵاممان دەبێت."
PM:02:48:26/10/2024
ئهم بابهته 216
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت