کۆگایەکی چەک لە شاری جبلە و گەرەکێکی پایتەختی سووریا بۆردومان کران
وێستگەنیوز_
روانگەی سووری بۆ مافەکانی مرۆڤ راگەیەندراوێکی بڵاوکردووەتەوە و تێیدا هاتووە، لە بۆردومانی فڕۆکەیەکی بێفڕۆکەوانی نەناسراودا کۆگایەکی چەک و تەقەمەنی لە شاری جبلە لە سووریا کرایە ئامانج. دەشڵێت، هاوکات لەگەڵ ئەم رووداوەدا، لە دیمەشقیش بەھۆی بۆردوومانی ئیسرائیلەوە شەش کەس کوژران و برینداربوون.
ئەمرۆ پێنجشەممە 3ـی 10ـی 2024، روانگەی سووری ئاشکرایکردووە، فڕۆکەی بێفڕۆکەوانی نەناسراو بۆردومانی بۆ سەر کۆگایەکی چەک و تەقەمەنی لە نزیک شاری جبلە لە ریفی لازقیە ئەنجامداوە.
ئاماژەی بەوەشکردووە، ئەو شوێنەی بۆردومانکراوە، نزیکی بنکەی 'حەمیمیم'ـی ئاسمانی رووسیایە و بەھۆیەوە تەقینەوەی بەھێز روویداوە؛ ئاماژەکانیش پێمان دەڵێن "پێدەچێت درۆنەکە ھی ئیسرائیل بێت".
ھەروەها بەپێی میدیای فەرمی ئەو وڵاتە، ئیسرائیل بۆردومانی بینایەکی نیشتەجێبوونی لە دیمەشق کردووە و بەھۆیەوە سێ کەس کوژراون و سێ کەسیش برینداربوون. تەلەفزیۆنی سووریا کە زمانحاڵی وڵاتەکەیە دەڵێت: بۆردومانەکە لە گەڕەکی موزە لە دیمەشقی پایتەخت بووە و دووەمین جارە لە ماوەی 24 کاتژمێردا ئەو گەڕەکە بکرێتە ئامانج.
AM:11:50:03/10/2024
ئه‌م بابه‌ته 700
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت