دەنگدانی پێشوەختە بۆ هەڵبژاردنی سەرۆکێکی نوێ بۆ جەزائیر دەستی پێکرد
وێستگه‌نیوزـ
ئەمڕۆ لە جەزائیر هەڵبژاردنی سەرۆکێکی نوێ بۆ وڵاتەکە دەستی پێکرد و ئەو جەزائیریانەی لە دەرەوەی وڵاتەکە دەژین چوونە سەر سندوقەکان و دەنگیان دا.
ئەمڕۆ هەینی 7ی ئه‌یلولی 2024، لە جەزائیر هەڵبژاردنی سەرۆکێکی نوێ بۆ وڵاتەکە دەستی پێکرد و ئەو جەزائیریانەی لە دەرەوەی وڵاتەکە دەژین چوونە سەر سندوقەکان و دەنگیان دا و سبەینێش دەنگدانی گشتییە.
هەڵبژاردنەکانی جەزائیر لەژێر چاودێری دەسەڵاتی سەربەخۆی هەڵبژاردنەکانی جەزائیرەوە بەڕێوەدەچێت، سه‌رچاوه‌یه‌ک لەو دەسەڵاتە بە ئاژانسی سکای نیوزی راگەیاند، چەندان هەفتەیە ئامادەکاری دەکەن بۆ بەڕێوەبردنی هەڵبژاردنەکان بەشێوەیەکی پاک و ئازادانە.
لایخۆشییەوە مەولود بن ناسف، رێکخەری دەسەڵاتی سەربەخۆی هەڵبژاردنەکان لە ویلایەتی جەزائیر باسی لەوەکرد زیاتر لە 1.9 ملیۆن دەنگدەر هەیە لەو ویلایەتە و مافەکانیان بۆ دەنگدان بە ئازادی پاراستنی دەنگەکانیان زامنکراوە.
بۆ هەڵبژاردنی ئەمجارەی سەرۆکی جەزائیر سێ کەس خۆیان کاندیدی کردووە، ئەوانیش یوسف ئوشیش کاندیدی پارتی هێزی هاوبەشی و عەبدولعالی حەسانی شەریف کاندیدی هاوپەیمانی ئەلسلم و عەبدولمەجید تەبوون سەرۆکی ئێستای ئەو وڵاتەش دووبارە خۆی کاندید کردووتەوە.
ئەمەش لە کاتێکدایە، دوای دەنگۆکان لەبارەی دواخستنی هەڵبژاردن، لە مانگی 3ـی ئەمساڵدا عەبدولمەجید تەبوون سەرۆکی ئێستای جەزائیر رایگەیاند، لە شه‌ش و حه‌وتی مانگی نۆدا هەڵبژاردنی پێشوەختە بۆ هەڵبژاردنی سەرۆکێکی نوێ دەکەن و دوای ناخەن.
AM:11:15:06/09/2024
ئه‌م بابه‌ته 604
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت