ئیسرائیل كوژرانی محهمهد زهیف فەرماندەی باڵی سەربازیی حەماسی راگهیاند
وێنەی محەمەد زەیف
وێستگهنیوزـ
ئەمڕۆ پێنشەممە، 1ی ئابی 2024، هێزەکانی بەرگریی سوپای ئیسرائیل لە تۆڕی کۆمەڵایەتی ئێکس رایگەیاند، محەممەد زەیف، سەرۆکی کەتیبەکانی عیزەدین قەسام و باڵی سەربازی بزووتنەوەی حەماس، کوژراوە.
سوپای ئیسرائیل دەڵێت، لە ئۆپراسیۆنێکدا دوو هەفتە لەمەوبەر لە خان یونس لە باشووری کەرتی غەززە، محەمەد زەیف، بریندار بوو، بەڵام ئەمڕۆ کوژرا.
بەرەبەیانیی رۆژی چوارشەممە 31ی تهمموزی 2024، بزووتنەوەی حەماس لە راگەیەندراوێکدا کوژرانی ئیسماعیل هەنیە، بەرپرسی مەکتەبی سیاسیی بزووتنەوەکەی و پاسەوانێکی، لە ئەنجامی هێرشێکی ئیسرائیل لە تارانی پایتەختی ئێران راگەیاند.
حەماس ئەوەشی خستووەتەڕوو، "ئیسماعیل هەنیە دوای بەشداریی لە رێوەڕەسمی دەستبەکاربوونی سەرۆک کۆماری نوێی ئێران، چووەتە شوێنی مانەوەی لە تاران و دواتر تیرۆر کراوە".
لەلایەن خۆیەوە بەشی پەیوەندییە گشتییەکانی سوپای پاسدارانی ئێران کوژرانی هەنیەی سەلماند و رایگەیاند، لێکۆڵینەوەکان لە رووداوەکە دەستیان پێکردووە و دواتر ئەنجامەکەی بڵاو دەکەنەوە.
میدیاکانی ئیسرائیل بڵاویانکردەوە، نووسینگەی بنیامین ناتانیاهۆ، سەرۆکوەزیرانی ئیسرائیل، رێنمایی بۆ وەزیرانی حکومەت دەرکردووە، کە هیچ لێدوانێک لەسەر كوشتنی ئیسماعیل هەنیە نەدەن.
PM:12:54:01/08/2024
ئهم بابهته 1272
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت