ئێران و سعودیه رێككه‌وتن و باڵیۆزخانه‌كانیان ده‌كه‌نه‌وه
وێستگه نیوزـ
ئێران و عه‌ره‌بستانی سعودی لەسەر ئاسایی کردنەوەی پەیوەندییەکان رێکەوتن و چاوه‌ڕوان ده‌كرێت لەماوەی دوو مانگدا باڵیۆزخانەکانیان بکەنەوە.
به‌پێی میدیاكانی جیهان تاران و ریاز نزیكبونه‌وه‌ی هه‌ردوولا بە نێوەندگیری چین لە پەکین کراوە و دواتریش هەر سێ لا راگەیەندراوێكی هاوبەشیان بڵاوکردەوەو تیایدا سوپاسی هەوڵەکانی عێراق و عوممانیشیان كردوه بۆ لێك نزیككردنه‌وه‌ی هه‌ردوو وڵاته‌كه.
لە راگەنەدراوە هاوبەشەکەدا هاتووە کە وەزیرانی دەرەوەی ئێران و سعودیە بۆ ئامادەکارییەکان کۆدەبنەوە ز بڕیاریشه لەماوەی دوو مانگدا باڵیۆزخانەکانیان بکەنەوە.
ماوه‌ی چه‌ند ساڵێكه گرژیی دیپلۆماسی كه‌وتوه‌ته نێوان ئێران و سعودیه و چه‌ندینجاریش عێراق هه‌وڵی نێوه‌ندگیریی داوه‌و به‌رپرسانی هه‌ردوولاش له به‌غدا كۆبونه‌وه‌یان كردوه.
PM:04:01:10/03/2023
ئه‌م بابه‌ته 1496
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت