چوار سەرۆکایەتییەکەی عێراق: هەڵگرتنی چەک تەنیا لە دەسەڵاتی دەوڵەتدایە
وێستگەنیوز-
ئەمڕۆ چوار سەرۆکایەتییەکەی عێراق لە بەغدا
کۆبوونەوە و جەختیان کردەوە، بڕیاری جەنگ و ئاشتی تەنیا لە دەستی دەوڵەتدایە و
پێویستە چەک لە چوارچێوەی دامەزراوە دەستوورییەکاندا بێت، هاوکات بڕیاریاندا بە
داڕشتنی خشتەیەکی کات بۆ کۆکردنەوەی چەکی دەرەوەی یاسا و سەرپەرشتیکردنی پرۆسەکە
لەلایەن حکوومەتەوە.
لە کۆبوونەوەکەدا کە بە ئامادەبوونی سەرۆک
وەزیران عەلی زەیدی، سەرۆک کۆمار نزار ئامێدی، سەرۆکی پەرلەمان هەیبەت حەلبوسی و
سەرۆکی ئەنجومەنی باڵای دادوەری فایەق زێدان بەڕێوەچوو، پاڵپشتیی تەواو بۆ
داواکاریی حکوومەتی عێراق دەربڕدرا بۆ بەدەرکردنی فڕۆکەخانەی نەجەف لە رێکار و
سزاکانی گەنجینەی ئەمریکا، جەختیش لەسەر پەلەکردن لە تەواوکردنی کابینەی وەزاری و
تێپەڕاندنی یاسا لەپێشینەکان لە پەرلەمان کرایەوە.
هەروەها تاوتوێی ئامادەکارییەکانی یادکردنەوەی (رۆژی
سەروەری)یان کرد و ئاماژەیان بەوەدا، قۆناغی داهاتوو گواستنەوە دەبێت بەرەو
فراوانکردنی هاوکاریی ئابووری و بازرگانی لەگەڵ کۆمەڵگەی نێودەوڵەتی، هەروەها
جەختیان لەسەر گرتنەبەری رێکاری بەپەلە کردەوە بۆ پاراستنی ئابووریی نیشتمانیی لە
کاریگەریی ئاڵۆزییە هەرێمییەکان و بەردەوامیدان بە رووبەڕووبوونەوەی گەندەڵی بە
هەماهەنگی لەگەڵ دەسەڵاتی دادوەری.
PM:08:24:28/09/2026
ئهم بابهته 96
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت