پەرلەمانی عێراق خولی یەكەمی یاسادانانی درێژکردەوە

بەدوای هەڵبژاردنی عێراق، کێشەکانی چوارچێوەی هەماهەنگی لە پێکهێنانی حکومەتدا، پێیناوەتە هەستیارترین تاقیکردنەوەی سیاسی، تائێستا لەسەر سەرۆک وەزیران و پێکهێنانی حکومەت بە ئەنجامێک نەگەیشتون.

رۆژی چوارشەممە، 22ـی نیسانی 2026، ئەمینداریەتی گشتیی چوارچێوەی هاوئاهەنگی راگەیەنراوێکی بڵاوکردەوە و تێیدا هاتووە، بڕیاردرا کۆبوونەوەکەیان بۆ رۆژی هەینی (24ـی نیسانی 2026) دوابخرێت. ئامانجی ئەم هەنگاوەش "رەخساندنی دەرفەت و کاتی زیاترە بۆ گفتوگۆ و دیالۆگ لەنێوان لایەنەکاندا بۆ گەیشتن بە ئەنجامێکی کۆتایی لە چوارچێوەی وادە دەستوورییەکەدا."

بڕیاربوو ئەمشەو لایەنە شیعەکان لە ماڵی هومام حەموودی، سەرۆکی ئەنجوومەنی باڵای ئیسلامی لە بەغدا کۆببنەوە. بە پێی زانارییەکان کێشەی سەرەکی لەسەر "شێوازی دەنگدانە" بۆ یەکلاییکردنەوەی بەربژێرەکە و رۆژی 21ی نیسانیش گفتوگۆ دوو قۆڵی و سێ قۆڵییەکان بێ ئەنجام بوون.