گرووپی ئەولیای دەم: 110 ئۆپەراسیۆنمان بۆ سەر بنکەکانی ئەمریکا ئەنجامداوە
وێستگەنیوز-
گرووپی ئەولیای دەم دەڵێت، "لە ماوەی 15 ڕۆژدا 110 ئۆپەراسیۆنمان دژ بە بنەکەکانی ئەمریکا لە ناوخۆ و دەرەوەی عێراق ئەنجامداوە".
گرووپی چەکداریی ئەولیای دەم کە بەشێکە لە بەرەی مقاوەمەی ئیسلامیی لە عێراق ڕایگەیاند، لە ماوەی دوو هەفتەدا 110 ئۆپەراسیۆنیان لە دژی بنکەکانی ئەمریکا لە عێراق بە تایبەتی هەرێمی کوردستان ئەنجامداوە و جەخت لەسەر بەردەوامبوونی هێرشەکانیش دەکات.
گرووپە چەکدارییەکە دەڵێت، "ئەم هێرشانە وەک تۆڵەی خوێنی عەلی خامنەیی، ڕابەری پێشووی باڵای ئێران و ئەو ئەندامانەی گرووپەکە کە لە بۆردوومانەکانی ئەمریکا لە عێراق کوژراون".
گرووپی ئەولیای دەم جەخت لەوە دەکاتەوە قۆناغی دووەمی هێرشەکان بەردەوام دەبن لەچوارچێوەی ئۆپەراسیۆنی "بەڵێنی ڕاستگۆ 4" کە ئێران دژی ئیسرائیل و ئەمریکا ئەنجامی دەدات.
PM:05:29:18/03/2026
ئهم بابهته 88
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت