گرژی و ئاڵۆزی لەبەردەم ناوچەی سەوزی بەغدا دروست بوو

وێستگەنیوز_

بەرە بەیانی ئەمڕۆ یەکشەممە، 1-3-2026 گرژی و ئاڵۆزییەکی زۆر لە دەوروبەری ناوچەی سەوزی بەغدا دروستبوو تێدا، ژمارەیەکی زۆر لە لایەنگرانی گرووپە چەکدارەکان لە نزیک دەروازەکانی ناوچەکە کۆبوونەتەوە و هەوڵی هێرشکردنە سەر باڵیۆزخانەی ئەمریکا درا.

هەروەها، هێزە ئەمنییەکانی عێراق بۆ پاراستنی ناوچەی سەوز رێوشوێنی تووندیان گرتووەتەبەر و بۆ دوورخستنەوەی خۆپێشاندەران لە دەروازە سەرەکییەکان، گازی فرمێسکڕێژ و ئامێری ئاوڕشێنیان بەکارهێناوە، لە بەرامبەریشدا خۆپێشاندەران بە بەرد هێرش دەکەنە سەر هێزە ئەمنییەکان و هەوڵی تێپەڕاندنی بەربەستەکان دەدەن.

ئەم ئاڵۆزییانەی بەغدا دوای ئەوە دێت، کە بەرەبەیانی ئەمڕۆ یەکشەممە، سوپای پاسدارانی کۆماری ئیسلامیی ئێران بە فەرمی کوژرانی عەلی خامنەیی، رێبەری باڵای وڵاتەکەی پشتڕاستکردەوە و هەڕەشەی "تۆڵەیەکی سەخت"ی لە ئەمریکا و ئیسرائیل کرد.

AM:08:09:01/03/2026

ئه‌م بابه‌ته 140 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت