نوسینگەی سودانی: تۆم باراک دیدگای ترەمپی گەیاندە عێراق
وێستگەنیوز_
نوسینگەی محەمەد شیاع سودانی، سەرۆک وەزیرانی عێراق بڵاویکردەوە،
ئەمڕۆ هەینی تۆم باراک، نێردەی سەرۆکی ئەمریکا لەگەڵ سەرۆک وەزیرانی عێراق کۆبوەتەوە
و نوسینگەی سەرۆک وەزیران دەڵێت: دیدگای سەرۆکی ئەمریکا گەیەنرایە سەرۆک وەزیرانی
عێراق.
ئەوە دووەمین کۆبوونەوەی نێوان سودانی و تۆم باراکە لەم
هەفتەیەدا، نوسینگەی سودانی لەبارەی کۆبونەوەی ئەمڕۆی نێوانیان دەڵێت "دۆخی
گشتی و پێشهاتەکانی ناوچەکە تاوتوێ کران، بەتایبەتی گرنگیی پاراستن و دوورخستنەوەی
عێراق لە لێکەوتەی قەیرانەکان".
ئاماژە بەوەشدراوە، نێردەی ئەمریکا دیدگا و بۆچوونی دۆناڵد
ترەمپ، سەرۆکی ئەمریکای سەبارەت بە دۆخی هەنووکەیی ناوچەکە گەیاندە سودانی، کە تێیدا
جەخت لە ڕۆڵی گرنگ و سەنتەریی عێراق کراوەتەوە لە بنیاتنانی سەقامگیری و گەشەپێدانی
هەرێمایەتیدا.
هەر لە دیدارەکەدا باس لە ڕێگەچارەی کێشەکانی ناوچەکە
کرا و هەردوولا جەختیان لە گرنگیی پەنابردن بۆ گفتوگۆ و کەناڵە دیپلۆماسییەکان و
دوورکەوتنەوە لە گرژی و ئاڵۆزی کردەوە، هەروەها گەشەپێدانی ئابوورییان بە ڕێگەیەکی
کاریگەر بۆ کەمکردنەوەی گرژییەکان و چەسپاندنی سەقامگیریی بەردەوام وەسف کرد.
PM:08:13:27/02/2026
ئهم بابهته 116
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت