سەڵاح مەرعاوی: ئەمڕۆ كاندیدی پۆستی سەرۆكی پەرلەمانی عێراق یەكلایی دەكەینەوە

وێستگه‌نیوز –

سەڵاح مەرعاوی، ئەندامی هاوپەیمانی عەزم ئاشكرای كردووە، ئەمڕۆ كاندیدێك یان دوو كاندید بۆ پۆستی سەرۆكایەتی پەرلەمانی عێراق هەڵدەبژێرن.

سەڵاح مەرعاوی، ئەندامی هاوپەیمانی عەزم بە رۆژنامەی سەباحی راگەیاندووە، "ئەمڕۆ لە بارەگای موسەنا سامەڕایی سەرۆكی هاوپەیمانی عەزم كۆبوونەوەیەك رێكدەخرێت بۆ یەكلایی كردنەوەی هەڵبژاردنی كاندیدێك یان دووان بۆ پۆستی سەرۆكایەتی پەرلەمانی عێراق".

وتیشی، "تائێستا نازانرێت كام لە كاندیدەكان هەڵدەبژێردرێت و مشتومڕەكان بەردەوامە و تائێستا لەسەر هیچ ناوێك رێككنەكەوتوون و یەكلایی نەكراوەتەوە".

لەلایەن خۆیەوە سەڵاح كوبەیسی، ئەندامی هاوپەیمانی سیادە رایگەیاند، "هەر پێنج فڕاكسیۆنەكەی ناو ئەنجومەنی سیاسی نیشتیمانی لە قۆناغی لێكتێگەیشتندان بۆ دەستنیشانكردنی كاندیدێك بۆ پۆستی سەرۆكی ئەنجومەنی نوێنەرانی داهاتوو".

AM:09:49:14/12/2025

ئه‌م بابه‌ته 184 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت