بەهۆی شەپۆلی بارانبارین و لافاوەكەوە 6 كەس لە عێراق گیانیان لەدەستداوە

وێستگه‌نیوز-

بەڕێوەبەرایەتی پڕۆسە و خزمەتگوزارییە پزیشكییە نائاساییەكان لە وەزارەتی تەندروستی عێراق رایدەگەیەنێت، بەهۆی شەپۆلی بارانبارین و لافاوەكەوە 6 كەس لە عێراق گیانیان لەدەستداوە و چەند كەسێكی تریش برینداربوون.

بەڕێوەبەرایەتی پڕۆسە و خزمەتگوزارییە پزیشكییە نائاساییەكان لە وەزارەتی تەندروستی عێراق لە راگەیەندراوێكدا بڵاویكردەوە، "بەهۆی شەپۆلی بارانبارین و لافاوەكەوە كە زۆربەی ناوچەكانی عێراقی گرتەوە، دوو كەس لە پارێزگای كەركوك گیانیان لەدەستداوە و كەسێكیش برینداربووە، لە پارێزگای زیقاریش بەهەمان شێوە دوو كەس گیانیان لەدەستدواە".

بەپێی راگەیەندراوەكە، "لە پارێزگای واستیش منداڵێك گیانی لەدەستداوە و لە دیوانییەش گەنجێك و لە نەجەفیش كەسێك برینداربووە".

روونیشیكردەوە، "هۆكاری رووداوەكانی مردن و برینداربوونەكان دەگەڕێتەوە بۆ خنكاندن و گرتنی تەزووی كارەبا و روخانی ماڵ، بەهۆی بارانبارین و لافاوەوە".

باسی لەوەشكرد، "تیمەكانی بەرگری شارستانی توانیویانە 30 كارمەندی ناوەندێكی تەندروستی رزگار بكەن كە سەر بە كەرتی داقوق بوون بۆ چاودێری تەندروستی سەرەتایی لە كەركوك".

AM:10:39:13/12/2025

ئه‌م بابه‌ته 48 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت