عیماد جەمیل بۆ وێستگەنیوز: تائێستا زیاتر لە 200 تانەدان لە ئەنجامی هەڵبژاردنەكان رەتكراوەتەوە
وێستگەنیوز-محەمەد فاتیح
سەرۆكی تیمی كۆمسیۆنی باڵای سەربەخۆی هەڵبژاردنەكانی عێراق ئاشكرای كردووە، زیاتر لە 200 تانەدان لە ئەنجامی هەڵبژاردنەكانی ئەنجومەنی نوێنەرانی عێراق رەتكراوەتەوە.
عیماد جەمیل، سەرۆكی تیمی كۆمسیۆنی باڵای سەربەخۆی هەڵبژاردنەكانی عێراق بە وێستەگەنیوزی راگەیاند، "دەستەی دادوەری تائێستا 207 تانەدانی لە ئەنجامی هەڵبژاردنەكانی پەرلەمانی عێراقی رەتكردووەتەوە".
ئاماژەشیكرد، "كۆمسیۆنی هەڵبژاردنەكان پێشبینی دەكرد ژمارەی تانەدانەكان بگات بەم ئاستە و هەڵبژاردنەكانی 2021یش هەرچەندە ژمارەی كاندیدەكان 3300 كاندید بوون كە نزیكەی نیوەی ژمارەی كاندیدەكانی هەڵبژاردنەكانی 2025_ە بەڵام تانەدانەكان گەیشتنە 1400 تانە".
عیماد جەمیل پێی وایە، "بەرزبوونەوەی ژمارەی تانەدانەكان پەیوەندی بە ناڕۆشنبیری هەندێك لە كاندیدەكانەوە هەیە لە قبوڵنەكردنی سەرنەكەوتنیان بەتایبەتی كە دەنگەكانیان لەگەڵ پێشبینی و ئەو بەڵێنانەی پێیان دراوە یەك ناگرنەوە".
روونیشیكردەوە، "كۆمسیۆنی هەڵبژاردنەكان سێ رۆژی لەبەردەستدایە بۆ وەرگرتنی تانەكان لەدوای راگەیاندنی ئەنجامی هەڵبژاردنەكان، دواتر 7 رۆژی هەیە بۆ بەرزكردنەوەی تێبینییەكان، بەڵام دەستەی دادوەری 10 رۆژی لەبەردەمدایە بۆ یەكلایی كردنەوەی تانەكان".
PM:12:24:30/11/2025
ئه‌م بابه‌ته 40
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت