كۆمسیۆنی عێراق بۆ وێستگەنیوز: زۆربەی تانەكان بەڵگەنامەی پێویستیان نییه

وێستگەنیوز-

سەرۆكی تیمی راگەیاندنی كۆمسیۆنی باڵای سەربەخۆی هەڵبژاردنەكانی عێراق رایدەگەیەنێت، زۆربەی تانەكان لە ئەنجامی هەڵبژاردنەكانی پەرلەمانی عێراق بەڵگەنامەی پێویستیان نییە.

عیماد جەمیل، سەرۆكی تیمی راگەیاندنی كۆمسیۆنی باڵای سەربەخۆی هەڵبژاردنەكانی عێراق بە وێستگەنیوزی راگەیاند، "زۆربەی تانەكان پەیوەندی بە جیاوازی نێوان دەنگەكانەوە هەیە بەڵام بەڵگەی پێویستیان نییە".

جەختیكردەوە، "كۆمسیۆنی هەڵبژاردنەكان خوێندنەوە بۆ هەموو تانەكان دەكات و دواتر دەینێرێت بۆ دەستەی دادوەری تایبەت كە خاوەنی دوابڕیارە".

عیماد جەمیل، دووپاتیشیكردەوە، "پڕۆسەی دوورخستنەوەی كاندیدەكان كاریگەرییەكی گەورەی نابێت لەسەر پڕۆسەی سیاسی و تەنها گۆڕانكاری لە ژمارەیەكی دیاریكراودا دەكات لە كورسییەكانی پەرلەماندا و لە دوای پەسەندكردنی ئەنجامی هەڵبژاردنەكان لەلایەن دادگای فیدڕاڵییەوە بە تەواوەتی یەكلای دەبێتەوە".

AM:10:05:30/11/2025

ئه‌م بابه‌ته 128 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت