كەشناسی عێراق بۆ وێستگەنیوز: ئەم شەپۆلە كۆتاییهات و بارانبارینێكی تر بەڕێوەیە
وێستگه‌نیوز –محەمەد فاتیح
یاریدەدەری بەڕێوەبەری بەشی پێشبینی کەشوهەوا لە دەستەی گشتی کەشناسی و بومەلەرزەزانی عێراق رایدەگەیەنێت، ئەو شەپۆلە بارانبارینەی روویكردە ناوچەكانی هەرێمی كوردستان و عێراق كۆتاییهات و تاوەكو كۆتایی ئەم مانگە كەشوهەوا سەقامگیر دەبێت.
سادق عەتییە، یاریدەدەری بەڕێوەبەری بەشی پێشبینی کەشوهەوا لە دەستەی گشتی کەشناسی و بومەلەرزەزانی عێراق لە لێدوانێكدا بۆ وێستگەنیوز پێشبینی كرد، "لەگەڵ كۆتاییهاتنی ئەم مانگە تشرینی دووەم و دەستپێكردنی مانگی كانونی یەكەمی داهاتوو، گۆڕانكاری لە كەشوهەوا دروست دەبێت و لە ئەوروپاوە روومان تێدەكات و كاریگەری بۆ سەر هەموو ناوچەكە دەبێت بە هەرێمی كوردستان و عێراقیشەوە".
ئاماژەشیكرد، "تاوەكو ئێستا كاریگەرییەكانی زۆر روون نین، بەڵام دەبێتە هۆی كەشێكی باراناوی لە هەرێمی كوردستان و عێراق، ئەگەر چی ناتوانین لەئێستاوە پێشبینی ئەوە بكەین كە بارانەكە بەهێز دەبێت یاخود نا".
سادق عەتییە وتیشی، "لەگەڵ نزیكبوونەوەی كاتی بارانبارینەكە، بەرچاو روونی زیاترمان دەبێت و وردەكاریەكانی بڵاودەكەینەوە".
PM:12:54:17/11/2025
ئه‌م بابه‌ته 1044
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت