سودانی هۆشداری له مهترسیهكانی دروستبوونی شهڕێكی نوێ له ناوچهكه دهدات
وێستگهنیوز –
سهرۆك وهزیرانی عێراق له پهیوهندییهكی تهلهفۆنیدا لهگهڵ سهرۆكی فهرهنسا هۆشداری له مهترسیهكانی دروستبوونی شهڕێكی نوێ له ناوچهكه دهدات، بۆ رێگریكردن له رووبهڕووبوونهوهیهكی نوێش ئامادهیی وڵاتهكهی بۆ كاركردن لهگهڵ ئێران و ئهمریكا و فهرهنسا دهربڕی.
بهگوێرهی راگهیهندراوێكی نووسینگهكهی، ئهمڕۆ شهممه 30ی ئابی 2025 محهمهد شیاع سودانی سهرۆك وهزیرانی عێراق پهیوهندییهكی تهلهفۆنی له ئیمانوێل ماكرۆن سهرۆكی فهرهنساوه پێگهیشت و پهیوهندییه دووقۆڵییهكانی نێوان ههردوو وڵات و رێگاكانی چهسپاندنی هاوبهشی و هاوكاری له بواره جیاجیاكانیان تاووتوێ كرد، هاوكات باسیان له پرسه ناوچهیی و نێودهوڵهتییه جێ بایهخهكانی ههردوولا كرد.
له پهیوهندییه تهلهفۆنییهكهدا سودانی ئاماژهی به ههوڵهكانی حكومهتی عێراق بۆ ئهنجامدانی كۆنفرانسی ناوچهیی له بهغدا بۆ گفتوگۆكردن لهسهر پرسهكانی ناوچهكه كرد و جهختیكردهوه له "گرنگی سهردانهكهی داهاتووی ماكرۆن بۆ بهغدا".
هاوكات سودانی پێزانینی عێراقی بۆ ههڵوێستی فهرهنسا سهبارهت به پرسی فهلهستین دووپات كردهوه و رایگهیاند كه "ئهو پێشێلكارییانهی له ناوچهكانی فهلهستین ئهنجام دهدرێن، پێشینهیهكی مهترسیدارن و بارودۆخی نێودهوڵهتی زیاتر ئاڵۆزتر دهكهن و ئاستهنگی راستهقینه بۆ سیستمی جیهانی دروست دهكهن".
سودانی بۆ ماكرۆن جهختی لهوه كردهوه كه "عێراق گرنگی به گهشهپێدانی ئابووری دهدات، به لهبهرچاوگرتنی ڕۆڵی بنیاتنهری له ناوچهكهدا"، هۆشداریشی دا له "مهترسیهكانی دهستپێكردنی شهڕێكی نوێ كه ههڕهشه له ئاسایش و سهقامگیری ناوچهكه دهكات".
ئامادهیی عێراقیشی بۆ كاركردن لهگهڵ فهرهنسا و هاوبهشهكانی دیكه به كۆماری ئیسلامی ئێران و ویلایهته یهكگرتووهكانی ئهمریكا دهربڕی بۆ رێگریكردن له رووبهڕووبوونهوهیهكی نوێ، دووپاتكردهوه.
سودانی راشیگهیاند كه "عێراق ههموو ههنگاوێكی پێویست له بهرژهوهندی نیشتمانی خۆیدا دهنێت و خزمهت به ئامانجی ڕێگریكردن له شهڕ دهكات له ڕێگهی دیالۆگ لهسهر بنهمای یاسا نێودهوڵهتییهكان".
لای خۆیهوه ئیمانوێل ماكرۆن ستایشی "ئاستی ئاسایش و سهقامگیری بهدیهاتوو له عێراق و ههوڵهكانی حكومهتی بۆ پاراستنی سهقامگیری وڵات" كرد، "شانازی فهرهنسای به پهیوهندییه ستراتیژییه قووڵهكانی نێوان ههردوو وڵات و خواستی بهردهوامبوونی له پشتیوانیكردنی عێراق" دووپاتكردهوه.
PM:05:52:30/08/2025
ئهم بابهته 760
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت