میدیا عێراقییەکان: هێزەکانی ئەمریکا لە بەغدا دەکشێنەوە

وێستگەنیوز-

بڕیارە سبەینێ شەممە 30ی ئابی 2025، هێزەکانی ئەمریکا لە ناوچەی سەوز و فڕۆکەخانەی بەغدا و بارەگای فەرماندەیی ئۆپەراسیۆنە هاوبەشەکان بکشێنەوە.

کەناڵی ئەلعەرەبییە بڵاویکردەوە، سبەینێ شەممە هێزەکانی ئەمریکا لە ناوچەی سەوز و فڕۆکەخانەی بەغدا و بارەگای فەرماندەیی ئۆپەراسیۆنە هاوبەشەکان دەست بە کشانەوە دەکەن، ئەم کشانەوەیەش لە چوارچێوەی رێککەوتنی نێوان عێراق و ئەمریکایە.

بەپێی رێککەوتنی نێوان عێراق و ئەمریکا بێت کە لە ساڵی 2024 واژۆکراوە، قۆناغی یەکەمی کشانەوەی هێزەکانی ئەمریکا کە لەناو هاوپەیمانی نێودەوڵەتی بۆ بەرەنگاربوونەوەی داعش کاردەکەن لە مانگی ئەیلولی 2025 کۆتایی دێت و قۆناغی دووەمیش لە ساڵی 2026 کۆتایی دێت.

بەپێی ئەو رێککەوتنەکە، ئەمریکا هێزێکی سەربازی سنووردار لە هەرێمی کوردستان دەهێڵێتەوە بۆ ماوەی ساڵێکی دیکە، ئەوەش لە چوارچێوەی ئەو لێکتێگەیشتنە ئەمنییانەیە کە هەن.

لەدوای شەڕی داعش لە ساڵی 2017وە نزیکەی 2500 سەربازی ئەمریکی لە عێراق ماونەتەوە وەک بەشێک لە هاوپەیمانییەکە، لەژێر ئەرکی مەشق و راوێژکاری و پشتیوانی بۆ هێزە عێراقییەکان، بەڵام مانەوەی ئەم سەربازانە بەشێک لە کوتلە چەکدارەکان و لایەنە سیاسییەکانی لایەنگری ئێرانی لەو وڵاتە توڕە کرد، ئەمەش وایکرد بەغدا ساڵی رابردوو زنجیرەیەک کۆبوونەوە لەگەڵ لایەنی ئەمریکی ئەنجام بدات بۆ کۆتاییهێنان بە ئەرکی هێزەکانیان لە عێراق.

PM:05:11:29/08/2025

ئه‌م بابه‌ته 1136 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت