فارس عیسا بۆ وەزیری دەرەوەی عێراق: حکومەتى هەرێم پابەندە بە گفتوگۆوە بۆ چارەكردنى سەرجەم کێشەکان لەگەڵ بەغدا
وێستگەنیوز-
ئەمڕۆ دووشەممە 30ی حوزەیرانی 2025، فوئاد حسێن، جێگرى سەرۆک وەزیران و وەزیرى دەرەوەى عێراق لە نووسینگەى خۆى لە بەغدا، لەگەڵ فارس عیسا، سەرۆکى نوێنەرایەتیی حکوومەتى هەرێمى کوردستان لە بەغدا کۆبووەوە.
بەپێی راگەیەندراوی کۆبونەوەکە بێت، هه‌ردوولا ئەنجامەکانی گفتوگۆکانى ئەم دواییەی نێوان هەولێر و بەغدا و چۆنیەتی چارەکردنی کێشە هەڵپەسێردراوەکانیان بەپێی یاسا و دەستوور تاوتوێ كرد.
ئاماژە بەوەکراوە، فارس عیسا جەختى لەسه‌ر پابەندبوونى حکومەتى هەرێمى کوردستان بۆ چارەكردنى سەرجەم کێشەکان لەگەڵ بەغدا لە رێگەی گفتوگۆى بونیاتنەر و پتەوکردنى پەیوەندییەکانى نێوان هەردوولا کردەوە.
وەزیرى دەرەوەى عێراق هاوكات ستایشى هەوڵەکانى حکومەتى هەرێمى کوردستانی بە سەرۆکایەتىی مەسرور بارزانی بۆ زاڵبوون بەسەر هەموو کێشە و ناکۆکییەکان لە پێناو بەرژەوەندیی گشتیی نیشتمانیدا کرد.
PM:06:50:30/06/2025
ئه‌م بابه‌ته 132
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت