کۆمسیۆنی عێراق وادەی تۆمارکردنی لیست و هاوپەیمانێتییەکانی بۆ هەڵبژاردن دیاریکرد

وێستگەنیوز-

کۆمسیۆنی باڵای سەربەخۆی هەڵبژاردنەکانی عێراق وادەی تۆمارکردنی لیست و هاوپەیمانێتییەکانی بۆ هەڵبژاردنی پەرلەمانی عێراق ئاشکراکرد.

ئەمڕۆ سێشەممە 15ی نیسانی 2025، کۆمسیۆنی باڵای سەربەخۆی هەڵبژاردنەکانی عێراق رایگەیاند، "ئەمڕۆ دەرگای خۆ تۆمارکردن بۆ لیست و هاوپەیمانێتییەکان کە لە هەڵبژاردنی پەرلەمانی عێراقدا بەشداردەبن دەکرێتەوە".

ئاماژە بەوەکراوە، "پرۆسەی تۆمارکردنەکە تاوەکو رۆژی 4ی مانگی داهاتوو بەردەوام دەبێت و دوا وادەش دەبێت بۆ پرۆسەکە، هاوکات سەجەم لیست و هاوپەیمانێتی و لایەنە سیاسییەکان دەبێت لە نوسینگەی نیشتیمانی بەغدا ناوی خۆیان تۆماربکەن".

بڕیارە لە رۆژی 11ی تشرینی دووەمی 2025، هەڵبژاردنی پەرلەمانی عێراق ئەنجام بدرێت و کۆمسیۆنی باڵای سەربەخۆی هەڵبژاردنەکانی عێراق دەستی بە ئامادەکارییەکان کردووە.

AM:10:58:15/04/2025

ئه‌م بابه‌ته 384 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت