هاوپەیمانیی ئیدارەی دەوڵەت: هەڵبژاردنی پەرلەمانی عێراق بەم یاسایەی ئێستا ئەنجام دەدرێت
وێستگەنیوز-
هاوپەیمانیی بەڕێوەبردنى دەوڵەت بڕیاریدا هەڵبژاردنى پەرلەمانى عێراق بەپێی ئەو یاسایە بکرێت کە ئێستا هەیە.
ئەمڕۆ پێنجشەممە 10ى نیسانی 2025، هاوپەیمانیى بەڕێوەبردنى دەوڵەت لە کۆشکى حکومی لە ناوچەى سەوزى بەغدا کۆبوونەوە و راگەیێندراوێکیان بڵاوکردەوە.
ئاماژە بەوەکراوە، "بەشدارانى کۆبوونەوەى هاوپەیمانیى بەڕێوەبردنى دەوڵەت، رێککەوتوون هەڵبژاردنى پەرلەمانى عێراق بەگوێرەى ئەو یاسایە بکرێت کە ئێستا هەیە بەبێ ئەوەى هەموار بکرێتەوە".
یاسای هەڵبژاردنى پەرلەمان و ئەنجومەنى پارێزگاکانى عێراق لە ساڵى 2023 لە پەرلەمان هەموار کرایەوە، عێراقى کردووە بە 18 بازنەى هەڵبژاردن و بە سیستمى سانتلیگۆى 1.7 دەنگى براوەکان هەژمار دەکرێت.
ئەنجومەنى وەزیرانى عێراق، رۆژى 11ی تشرینى دووەمى 2025 دیاری کردووە بۆ ئەنجامدانى هەڵبژاردنى پەرلەمانی عێراق.
PM:11:23:10/04/2025
ئه‌م بابه‌ته 228
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت