كۆمسیۆنى باڵاى سەربەخۆی هه‌ڵبژاردنه‌كانی عێراق: پابه‌ند ده‌بین به‌و واده‌یه‌ى كه سه‌رۆك وه‌زیران بۆ هه‌ڵبژاردن دیارى ده‌كات
وێستگەنیوز-
وته‌بێژى كۆمسیۆنى باڵاى سەربەخۆی هه‌ڵبژاردنه‌كانی عێراق رایدەگەیەنێت، ده‌ستیان به ئاماده‌كارییه‌كان كردووه، بۆ ئه‌نجامدانى هه‌ڵبژاردنى په‌رله‌مانى عێراق.
ئه‌مڕۆ هه‌ینى 4ى نیسانى 2025 جومانه غەلاى، وته‌بێژى كۆمسیۆنى باڵاى سەربەخۆی هه‌ڵبژاردنه‌كانی عێراق لە لێدوانیکیدا بۆ میدیا عێراقییەکان رایگەیاند، "ده‌ستمان به رێكارییه‌كان كردووه، بۆ ئه‌نجامدانى هه‌ڵبژاردنى په‌رله‌مانى عێراق كه ده‌بێت ئه‌مساڵ بكرێت".
ئاماژەی بەوەکرد، "پابه‌ند ده‌بین به‌و واده‌یه‌ى كه سه‌رۆك وه‌زیران بۆ هه‌ڵبژاردنه‌كه دیارى ده‌كات، هەروەها ئه‌مساڵ له دایكبووانى 2007 مافى ده‌نگدانیان ده‌بێت كه ژماره‌یان له ملیۆنێك كه‌س زیاتره".
وتەبێژی کۆمسیۆن وتی، "ده‌ست به نوێكردنه‌وه‌ى داتاكان ده‌كرێت، كه بریتییه له تۆماركردنى نوێ و سڕینه‌وه‌ى ئه‌و كه‌سانه‌ى مردوون".
وتیشی، "بۆ ئەو مەبەستە هه‌زار و 79 بنكه له سه‌رانسه‌رى عێراق دانراون".
PM:04:37:04/04/2025
ئه‌م بابه‌ته 208
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت