لە دیوانییە پێنج کەس بەهۆی شەڕی نێوان ژماریەک ئامۆزاوە کوژران
وێستگەنیوز_
لە قەزای شەنافییە لە پارێزگای دیوانییە، پێنج کەس بەهۆی شەڕی نێوان خێزانەکانیانەوە کوژران.
کازم عەبدوڵڵا جبووری، قائیمقامی قەزای دیوانییە ئەمڕۆ سێشەممە رایگەیاندووە، رووداوەکە بەهۆی ناکۆکییەکی کەسی بووە لەنێوان ژمارەیەک ئامۆزا کە لە میوانخانەیەک کۆبوونەتەوە لە ناوچەی هەرد لە دەوروبەری قەزاکە.
بە وتەی ناوبراو، سەرەتا دەمەقاڵێ دروستبووە، دواتر یەکێک لە ئامادەبووان چەکی بەکارهێناوە و دوو کەسی کوشتووە. لەدوای ئەوەش، خزمەکانی دیکەیان وەک وەڵامدانەوە چەکیان بەکارهێناوە کە بووەتە هۆی کوژرانی سێ کەس و برینداربوونی کەسێکی دیکە.
ئاماژەی بەوەشکرد، هێزە ئەمنییەکان بەپەلە گەیشتوونەتە شوێنی رووداوەکە و شوێنەکەیان گەمارۆ داوە، تۆمەتبارەکانیان دەستگیرکردووە و رەوانەی لایەنی پەیوەندیداریان کردووە، هەروەها دەستیان بەسەر ژمارەیەک چەکی بەکارهاتوودا گرتووە.
AM:09:10:02/04/2025
ئه‌م بابه‌ته 196
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت