عەلی عەلاق: عێراق یەکێکە لە باشترین وڵاتەکانی جیهان لە کۆنتڕۆڵکردنی فرۆشتنی دۆلار

وێستگەنیوز-

پارێزگاری بانکی ناوەندیی عێراق رایدەگەیەنێت، عێراق یەکێکە لە باشترین وڵاتەکانی جیهان لە کۆنتڕۆڵکردنی فرۆشتنی دۆلار، ئاماژە بەوەشدەکات، ئەو میکانیزمەی عێراق بەكاریدەهێنێت رێکوپێکترین و شەفافترینە.

ئەمڕۆ شەممە 1ی ئاداری 2025، عەلی عەلاق، پارێزگاری بانکی ناوەندیی عێراق رایگەیاند، "عێراق یەکێکە لە باشترین وڵاتەکانی جیهان لە کۆنتڕۆڵکردنی فرۆشتنی دۆلار، ئەمەش بەهۆی ئەوەی ئەو پرۆسەیە بە شەفافیەت و وردبینی ئەنجام دەدرێت".

باسی لەوەشکرد، "وەک ئەوەی پسپۆڕانی نێودەوڵەتی ئاماژەی پێدەکەن ئەو میکانیزمەی عێراق بەكاریدەهێنێت رێکوپێکترین و شەفافترین و کۆنتڕۆڵکراوترین میکانیزمە لە جیهاندا".

PM:09:31:01/03/2025

ئه‌م بابه‌ته 172 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت