زیاتر لە 260 کیلۆمەتر دیواری کۆنکریتی لەسەر سنووری عێراق - سووریا دانراوە
وێستگەنیوز_
بەهۆی ئەوەی عێراق و هەرێمی کوردستان 612 کیلۆمەتر سنووری هاوبەشیان لەگەڵ سووریا و رۆژئاوای کوردستان دا هەیە، لە ئێستادا دیواری کۆنکریتی بە درێژایی 90 کیلۆمەتر لەسەر سنووری سووریا، لە شنگالەوە تاوەکو رەبیعە دانراوە و کارەکانی تەواو بووە.
دیوارەکە لە شنگالەوە دەستپێدەکات و تاوەکو دەروازەی سنووری رەبیعە درێژدەبێتەوە.
بەڕێوەبەری راگەیاندن و پەیوەندییەکانی فەرماندەیی پاسەوانی سنووری عێراق، عەمید حەیدەر کەرخی رایگەیاندووە، "تێچووی دروستکردن و دانانی ئەم دیوارە کۆنکریتییانە لەلایەن کارگەکەی خۆمانەوە، نیوەی ئەو بڕەیە کە کۆمپانیاکان و بەڵێندەرەکان دەیکەن."
ئاماژەی بەوەشکردووە، تا ئێستا زیاتر لە 260 کیلۆمەتر دیواری کۆنکریتی لەسەر سنووری عێراق - سووریا دانراوە و پلانیان هەیە درێژییەکەی بگەیێننە 400 کیلۆمەتر.
دەشڵێت: تەواوکردنی ئەم 90 کیلۆمەترە بە تەواوی لە رێگەی هەوڵ و بازووی کارمەندەکانیانەوە بووە و بەردەوام دەبن لە دروستکردن و دانانی دیواری کۆنکریتی.
PM:01:45:30/01/2025
ئه‌م بابه‌ته 232
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت