لە بەسرە خۆپیشاندانە و هەرەشەی داخستنی کۆمپانیا و بیرە نەوتییەکان دەکرێت
وێستگەنیوز_
لە شارۆچکەی قوڕنە لە پارێزگای بەسرە خۆپیشاندان دەستیپێکردووە و هەرەشەی داخستنی کۆمپانیا و بیرە نەوتییەکان دەکەن.
خۆپیشاندەران، بە بەشداریی هۆزەکانی ناوچەکانی باکووری بەسرە، ناڕەزایی خۆیان بەرامبەر وەڵامنەدانەوەی حکومەت بۆ داواکارییەکانیان دەربڕی.
حوسێن مەزراوی، نوێنەری خۆپیشاندەران دەڵێت: حکومەتمان لە جێبەجێنەکردنی داواکارییەکان و گوێ نەگرتن لە خەڵکی شارۆچکەی قوڕنە ئاگادارکردووەتەوە، ئەمڕۆش ئەم خۆپیشاندانە بەردەوام و فراوان دەبێت، تاوەکو هەموو ئەو داواکاریانەی کە لە مێژە پێشکەشی کەسانی پەیوەندیدارمان کردووە، جێبەجێ دەکرێن.
ئاماژەی بەوەشکردووە، سەردەمی لایەنگری و پەیوەندیی نایاسایی تەواو بووە، بەرپرسانیش دەبێت بەئاگا بێنەوە پێش ئەوەی بە خۆپیشاندانەکانمان لەناویان بەرین. ئێمە ڕایدەگەیەنین، دەرفەتی سێ ڕۆژیان پێ دەدەین و دواتر هەنگاو دەنێین بۆ داخستنی هەمووی کۆمپانیا و کێڵگە نەوتییەکان لە بەسرە.
بە وتەی نوێنەری خۆپیشاندەران، حکومەتی عێراق تا ئیستا بێدەنگە و هیچ وەڵامێکی نەداوەتەوە؛ بە هێزە ئەمنییەکانمان وتووە تا ڕۆژی یەکشەممە دەرفەتمان پێتان داوە بۆ ئەوەی حکومەت گوێمان لێ بگرێت.. بەیانی دووشەممەی داهاتوو ڕێپێوانێکی هەزاران خۆپیشاندەریدا بۆ داخستنی بیرە نەوتییەکان و دانانی چادرێک بۆ گردبوونەوەی جەماوەریی دەکەین.
هاوکات باسی لەوەشکردووە: داوام لە خۆپیشاندەران کردووە کفن لەبەر بکەن، بەو پێیەی ڕێگاکەمان درێژە لە بەرەنگاربوونەوەی گەندەڵکاران، ئێمەش دروشمی خۆمان ڕادەگەیەنین، "یان ژیانێکی شەرەفمەندانە، یان مردن."
AM:09:36:30/01/2025
ئه‌م بابه‌ته 328
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت