سوودانی و نێچیرڤان بارزانی لەبارەی كێشەكانی نێوان هەولێر و بەغدا کۆبوونەوە
.jpg)
وێستگەنیوز_
محەممەد شیاع سوودانی و نێچیرڤان بارزانی كێشەكانی نێوان هەولێر و بەغدادیان تاوتوێکرد.
بە پێی راگەیەندراوێكی نوسینگەكەی، محەممەد شیاع سوودانی سەرۆك وەزیرانی عیراق لە بەغداد لەگەڵ نێچیرڤان بارزانی، سەرۆكی هەرێمی كوردستان كۆبووەتەوە دۆسیە خزمەتگوزارییەكانی پەیوەست بە بەرژەوەندی هاوڵاتیان و باشترین ڕێگا بۆ ڕێكخستنی پابەندبوونە هاوبەشەكانی نێوان عیراق و هەرێمی کوردستان تاوتوێكراوە لەسەر بنەماكانی دەستوور و ئەوەی لە یاسای بوودجەدا پەسەندكراوە.
هاوکات، هەردوولا جەختیانكردەوەتەوە لەسەر گرنگی هەماهەنگی و هاوكاری هاوبەش لە نێوان سەرجەم هێز و لایەنە سیاسییەكاندا بۆ ڕووبەڕووبوونەوەی ئاستەنگەكان.
دواتر سەرۆكی هەرێمی كوردستان هەر لە بەغداد لەگەڵ مەحموود مەشهەدانی، سەرۆكی ئەنجومەنی نوێنەرانی عیراق كۆبووەوە.
بڕیار وایە ئەمرۆ سەرۆکی هەرێمی وکردستان 18 کۆبوونەوەی گرنگ لە بەغدا ئەنجام بدات.
هاوکات لە ئێستادا نێچیرڤان بارزانی لەگەڵ حەیدەر عەبادی، سەرۆکی هاوپەیمانیی نەسر و سەرۆکوەزیرانی پێشووتری عێراق لە کۆبوونەوەدایە.
PM:12:16:13/01/2025
ئه‌م بابه‌ته 220
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت