نوسینگەی سەرۆک وەزیران: سوودانی بە سەردانێکی فەرمی دەچێتە تاران
وێستگەنیوز_
ئەمرۆ یەکشەممە 5ـی 1ـی 2025، نوسینگەی ڕاگەیاندنی سەرۆک وەزیرانی عێراق لە ڕایگەیاند سەرۆک وەزیران محەممەد شیاع سوودانی، ڕۆژی چوارشەممەی داهاتوو، 8ـی 1ـی 2025، بە سەردانێکی فەرمی دەچێتە تاران.
لە راگەیەندراوەکەدا ئەوەشهاتووە، "لە سەردانەکەی سەرۆک وەزیرانی عێراقدا، پتەوکردنی پەیوەندییە دووقۆڵییەکانی نێوان هەردوو وڵات و پێشهاتەکانی ناوچەکە تاوتوێ دەکرێن."
ئەوەشی خستووەتەڕوو، سەردانەکەی سوودانی بۆ تاران، بەرەنجامی سەردانەکەی مانگی ئەیلوولی ساڵی ڕابردووی مەسعود پزیشکییان، سەرۆک کۆماری ئێرانە بۆ بەغدا.
ئەمە دەبێتە سێیەمین سەردانی سوودانی بۆ تاران، یەکەم سەردانی لە 29ـی تشرینی دووەمی 2022 بوو، سەردانی دووەمیشی لە 6ـی تشرینی دووەمی 2023 بووە.
PM:02:45:05/01/2025
ئه‌م بابه‌ته 348
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت