سه‌رۆك كۆماری عێراق: هیوادارین 2025 پڕ بێت له ده‌ستكه‌وت و به‌دیهێنانی خواسته‌كانی گه‌له‌كه‌مان
وێستگه‌نیوز-
سه‌رۆك كۆماری عێراق رایگه‌یاند كه هیواداره 2025 پڕ بێت له ده‌ستكه‌وت و به‌دیهێنانی خواسته‌كانی گه‌له‌كه‌مان.
د.له‌تیف جه‌مال ره‌شید سه‌رۆك كۆماری عێراق له‌په‌یامێكدا كه له تۆڕی كۆمه‌ڵایه‌تی (X) بڵاویكردووه‌ته‌وه، نووسیویه‌تی: "له‌گه‌ڵ هاتنی ساڵی نوێی زاینی، گه‌رمترین پیرۆزبایی خۆمان ئاراسته‌ی رۆڵه‌كانی گه‌له‌كه‌مان له ناوخۆ و ده‌ره‌وه‌ی وڵات و هه‌موو جیهان ده‌كه‌ین، به‌و هیوایه‌ی ساڵێكی خۆش بێت كه تێیدا عێراقییه‌كان و گه‌لانی جیهان به ئارامی و سه‌لامه‌تی و خۆشگوزه‌رانی بژین".
سه‌رۆك كۆمار ده‌ڵێت: "له كاتێكدا پێشوازی له ساڵی 2025 ده‌كه‌ین، هه‌موومان هیوادارین پڕ بێت له ده‌ستكه‌وت و به‌دیهێنانی خواسته‌كانی گه‌له‌كه‌مان".
روونیشیكردووه‌ته‌وه كه "ئه‌مه‌ش پێویستی به یه‌كڕیزی و به‌رده‌وامی كاری هاوبه‌ش هه‌یه بۆ به‌رقه‌راركردنی ئاسایش و سه‌قامگیری، ده‌سته‌به‌ركردنی سه‌لامه‌تی هاووڵاتیان و به‌دیهێنانی ئاواته‌كانیان له ژیانێكی شایسته".
PM:04:19:31/12/2024
ئه‌م بابه‌ته 336
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت