عەتوان عەتوانی: سەرەتای ساڵی نوێ خشتەی بودجەی 2025 دەگاتە ئەنجوومەنی نوێنەران
وێستگەنیوز_
عەتوان عەتوانی، سەرۆکی لیژنەی دارایی ئەنجوومەنی نوێنەرانی عێراق رایگەیاند، سەرەتای ساڵی نوێ خشتەی بودجەی 2025 دەگاتە ئەنجوومەنەکەیان.
ئەمرۆ هەینی 20ـی 11ـی 2024، عەتوان عەتوانی لە لێدوانێکیدا بە ئاژانسی هەواڵی عێراقی راگەیاندووە،"بەگوێرەى قسەکانی سەرۆکوەزیران، چاوەڕوان دەکەین سەرەتای ساڵی داهاتوو خشتەی بودجەی 2025 بگاتە ئەنجوومەنی نوێنەرانی عێراق".
ئاماژەی بەوەشداوە، "پرسی هەموارکردنەوەی بڕگەی تایبەت بە نەوتی هەرێمی کوردستان، دەخرێتە خشتەی بودجەی 2025ـەوە".
هەروەها بە بڕوای عەتوانی، پێویستە چارەسەریی بنەڕەتی بۆ کێشە هەڵپەسێردراوەکانی نێوان بەغداد و هەولێر بدۆزرێتەوە، ئامانجی هەموارەکان تەنیا زیادکردنی بڕگەی نوێ نەبێت، بەڵکو پێویستە بڕگەکان بتوانرێت جێبەجێبکرێت.
دەشڵێت: هەمواری یاسای بوودجەمان خستووەتە بەردەم سەرۆکی دیوانی چاودێریی دارایی و ئەویش چەند تێبینییەکی لەسەر کێشە کۆنەکان و پاکتاوکردنی شایستەکانی نەوت هەبووە.
PM:04:56:20/12/2024
ئه‌م بابه‌ته 232
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت