سودانی: رێگه نادەین هیچ لایەنێک عێراق نوقمی شەڕ و ململانێ بکات

وێستگەنیوز-

سەرۆک وەزیرانی عێراق رایدەگەیەنێت، هیچ مەرجێک نییە بۆ هەڵوەشاندنەوەی حەشدی شەعبی و ئەو دەنگۆیانە رەتدەکەنەوە، ئاماژە بەوەشدەکات، دەوڵەت لە ئاشتی و شەڕیدا خاوەنی بڕیاری خۆیەتی.

محەمەد شیاع سودانی، سەرۆک وەزیرانی عێراق لە چاوپێکەوتنێکی تایبەتدا لە کەناڵی ئەلعێراقییە رایگەیاند، "هیچ مەرجێک نییە بۆ هەڵوەشاندنەوەی حەشدی شەعبی و ئەو دەنگۆیانە رەتدەکەینەوە".

ئاماژەی بەوەکرد، "دەوڵەت لە ئاشتی و شەڕیدا خاوەنی بڕیاری خۆیەتی و رێگه نادەین هیچ لایەنێک عێراق نوقمی شەڕ و ململانێ بکات".

سەرۆک وەزیرانی عێراق ئاماژەی بەوەکرد، "هیچ پاساوێک نییە بۆ بوونی 86 وڵات له هاوپەیمانی نێودەوڵەتی له عێراق".

ئەوەشی وت، "بەهۆی ئەو سیاسەتەی جێبەجێمان کرد دەرکەوت، عێراق وڵاتێکی سەرەکی و گرنگ و کاریگەرە و لە دۆخە سەختەکاندا توانیمان سەرکەوتووبین"

PM:11:24:19/12/2024

ئه‌م بابه‌ته 116 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت