بۆ یەکەمجار سوپای عێراق و هەسەدە ژووری ئۆپەراسیۆنی هاوبەشیان دروستکرد
وێستگەنیوز_
سوپای عێراق و هێزەکانی سوریای دیموکرات "هەسەدە"
گەیشتوونەتە ڕێکەوتن بۆ دروستکردنی ژورێکی ئۆپەراسیۆنی هاوبەش.
ئەمڕۆ پێنجشەممە، 5ی کانوونی یەکەمی 2024، دەنگی ئەمریکا
لە زاری سەرچاوەیەکی ئاگادار بڵاویکردەوە، "ئەو ژوورە ئۆپەراسیۆنە هاوبەشەی نێوان
هەسەدە و سوپای عێراق کە دروستکراوە، بۆ زانیاریی هەواڵگری و کاری هاوبەش و ڕێگریکردنە
لە هەر جموجوڵێکی میلیشیا توندڕەوەکان سوریا بۆ عێراق."
دروستکردنی ژووری ئۆپەراسیۆنی هاوبەشی هەسەدە و سوپای عێراق،
یەکەم هەماهەنگی نێوان ئەو دوو هێزەیە لە ماوەی 10 ساڵی ڕابردوودا، بە تایبەت لەو
کاتەی هێزەکانی سوریای دیموکرات دروستبووە.
پێشهاتەکانی سووریا خێران، لە نوێترین ڕووداودا شاری حەما
لەلایەن بەرەی تەحریر شام کۆنترۆڵکرا، هاوکات ڕژێمی سوریاش هەڕەشەی هێرشی پێچەوانە
لە تەحریر شام دەکات.
PM:08:29:05/12/2024
ئه‌م بابه‌ته 516
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت