نێردەی تایبەتیی سکرتێری گشتیی نەتەوەیەکگرتووەکان: پرۆسەى سەرژمێرى قۆناغێکى مێژووییە بۆ عێراق
وێستگەنیوز_
نێردەی تایبەتیی سکرتێری گشتیی نەتەوەیەکگرتووەکان لە عێراق رایگەیاند: پرۆسەى سەرژمێرى قۆناغێکى مێژووییە و "لەم پرۆسەیەدا خۆمان بە هاوبەشی عێراق دەزانین".
محەمەد حەسان، نێردەی نەتەوەیەکگرتووەکان پرۆسەی سەرژمێری لە عێراق بە پرۆسەیەکی گرنگ ناودەبات و دەڵێت، "وەکو راگەیەندراوە ئامانج لە ئەنجامدانی سەرژمێری، گەشەپێدانە."
ئاماژەی بەوەشکردووە، "لەبەر ئەم هۆکارەیە پرۆسەی سەرژمێریی دانیشتوان بە قۆناغێکی مێژووی عێراق دادەنرێت."
دەشڵێت: "ئەوەی ئەمڕۆ بینراوە کارێکی زۆر پێشکەوتوو و پرۆفیشناڵ بووە و هەنگاوێکی گەورەیە بۆ داهاتووی عێراق".
جەختیشی کردووەتەوە لەوەی، "نەتەوەیەکگرتووەکان هاوبەشی حکومەتی عێراقە لەم قۆناغەدا و پیرۆزباییتان لێدەکات و پشتگیریتان دەکات".
PM:03:03:21/11/2024
ئه‌م بابه‌ته 232
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت