ناوەڕۆکی کۆبوونەوەکەی سودانی و بەشار ئەسەد بڵاوکرایەوە
وێستگەنیوز-
ئەمڕۆ دووشەممە 11ی تشرینی دووەمی 2024، نووسینگەی محەمەد شیاع سودانی لە راگەیێندراوێکدا رایگەیاند، "محەمەد شیاع سودانی، سەرۆک وەزیرانی عێراق لە پەراوێزی لووتکەی عەرەبی-ئیسلامی لە ریاز لەگەڵ بەشار ئەسەد، سەرۆکی سوریا کۆبووەوە".
لەبارەی ناوەڕۆکی کۆبوونەوەی نێوانیان، نووسینگەی سەرۆک وەزیرانی عێراق ئاماژە بەوە دەکات، هەردوولا گفتوگۆیان لەبارەی دەستدرێژییەکانی سەر غەززە و لوبنان کردووە.
ئاماژە بەوەکراوە، "لە کۆبوونەوەکەدا، پەیوەندی دووقۆڵی نێوان هەردوو وڵات و رێگەکانی بەرەوپێشبردنی پەیوەندییەکەیان لە چەندین بواردا تاوتوێ کردووە".
بەپێی راگەیەندراوەکەی نووسینگەی سودانی بێت، هەردوولا جەختیان لە پێویستی هاوئاهەنگیکردن لە هەڵوێست و بڕیاری چارەنووسساز سەبارەت بە دەستدرێژی زایۆنییەکان بۆ سەر غەززە و لوبنان کردووەتەوە.
بەیانی ئەمڕۆ دووشەممە، محەمەد شیاع سودانی، سەرۆک وەزیرانی عێراق بۆ بەشداریکردن لە لووتکەی عەرەبی - ئیسلامی گەیشتە ریازی سعودیە.
PM:07:01:11/11/2024
ئه‌م بابه‌ته 812
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت