په‌رله‌مانی عێراق كۆتایی به دانیشتنی ئه‌مرۆی هێنا
وێستگه نیوزـ
په‌رله‌مانی عێراق خوێندنه‌وه‌ی یه‌كه‌می بۆ یاسای لێبوردنی گشی دواخست و كۆتایی به دانیشتنی ئه‌مرۆ چوارشه‌ممه هێنا.
ئه‌مرۆ په‌رله‌مانی عێراق دانیشتنی ژماره 3ی وه‌رزی دووه‌می ساڵی سێیه‌می یاسادانانی له خولی پێنجه‌می په‌رله‌مان به ئاماده‌بونی 194 په‌رله‌مانتار سازكرد و خوێندنه‌وه‌ی یه‌كه‌می بۆ یاسای خزمەت و خانەنشینی هێزەکانی حەشدی شەعبی ئه‌نجامدا.
هه‌ر له دانیشتنه‌كه‌دا په‌رله‌مانی عێراق ده‌نگیدا به پرۆژه‌یاسای هه‌مواركراوی میلاكات ژماره 25ی ساڵی 1960 و هاوكات ده‌نگیشی به پێكهێنانی لیژنه‌یه‌كی په‌رله‌مانی دا كه تایبه‌ته به ره‌فتار و هه‌ڵسوكه‌وتی په‌رله‌مانی.
به‌هۆی ناكۆكیی لایه‌نه سیاسیه‌كان له‌سه‌ر هه‌مواركردنه‌وه‌ی یاسای لێبوردنی گشتی و ناره‌زایی كوتله‌كان له‌سه‌ری، په‌رله‌مانی خوێندنه‌وه‌ی بۆ یاساكه نه‌كرد و هه‌ڵیگرت بۆ دانیشتنه‌كانی داهاتوو.
PM:05:30:24/07/2024
ئه‌م بابه‌ته 520
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت