به‌غدا ده‌ست به دابه‌شكردنی مووچه‌ی مانگی 12 ده‌كات
وێستگه نیوزـ
سەرۆکی دەستەی خانەنشینی نیشتمانی عێراق رایگه‌یاند: رێکكارەکانی دابەشکردنی مووچەی مانگی 12 تەواوبووە و به‌منزیكانه پاره ده‌خرێته‌سه‌ر هه‌ژماری بانكیی خانه‌نشینان.
حوسام عەبدولستار، جێگری سەرۆکی دەستەی خانەنشینی نیشتمانی عێراق لە بەیاننامەیەکدا بڵاویکردەوە، " رێکارەکانی دابەشکردنی مووچەی خانەنشینی سەربازی و شارستانی بۆ مانگی کانوونی یەکەمی 2023 تەواو بوون و بەم زووانە دابەشکردنی ئەو مووچەیە دەستپێدەکات."
وەزارەتی دارایی عێراقیش رایگەیاند، بەمزوانە خانەنشینان نامەیەکیان پێدەگات و ئاگادار ده‌كرێنه‌وه لەوەی مووچەکانیان چووەتە سەر هەژمارە بانکییەکانیان و دەتوانن رایبکێشن.
ئەوەش لەکاتێکدایه كه هێشتا لە هەرێمی کوردستان مووچەی مانگی ئەیلولی فەرمانبەر و مووچەخۆران دابەش نەکراوە.
PM:04:42:03/12/2023
ئه‌م بابه‌ته 1836
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت