سهرۆكایهتیی كۆماری عێراق: ئهو ئهفسهرهی دهستگیركراوه سهربه لیوای سهرۆكایهتیی نییه
وێستگه نیوزـ
له روونكردنهوهیهكدا راوێژکاری سەربازیی سەرۆک کۆمای عێراق رایگهیاند: ئهو ئهفسهرهی کە گوایە سەربە لیوای دووی پاراستنی سەرۆکایەتی کۆمارە، سهربه لیواكه نییه.
راوێژکاری سەربازیی سەرۆک کۆمار رایگهیاندووه: ماڵپەڕەکانی ھەواڵ و بەشێک لە سەکۆکانی سۆشیال میدیا ھەواڵێکیان سەبارەت بە دەستگیرکردنی ئەفسەرێک بڵاوکردۆتەوە، کە گوایە سەر بە لیوای دووی پاراستنی سەرۆکایەتی کۆمارە، لەوبارەیەوە ئەم رونکردنەوەیە بڵاودەکەینەوە:
بەتەواوەتی رەتیدەکەینەوە کەسێک بەناوی (محەمەد مستەفا) سەر بە دوو لیواکەی سەرۆکایەتی بێت، دووپاتیشیدەکەینەوە کە ھیچ ئەفسەرێک نییە بەم ناوەوە لە دوو لیواکەدا.
ناوبراو ناسنامەی ساختەی پێبوە و پێشتر رەوانەی لایەنە پەیوەندیدارەکان کراوە و رێوشوێنی یاسایی بەرامبەر گیراوەتەبەر، ھەروەھا ئەو گرتە ڤیدیۆییەی بڵاوکراوەتەوە، نوێ نییە و دەگەڕێتەوە بۆ ماوەی رابردوو.
لەکاتێکدا توشی سەرسوڕمان بوین لە شێوازی لکاندنی ناوی ئەم کەسە بە یەکێک لە دوو لیوای سەرۆکایەتی کۆمارەوە، لەھەمانکاتدا جەختدەکەینەوە لەسەر پێویستی پشتڕاستکردنەوەی راست و دروستی ھەواڵەکان لە سەرچاوە باوەڕپێکراوەکانیانەوە پێش بڵاوکردنەوەیان و پابەندبوون بە پێودانگە پیشەییەکان و راستگۆیی لەگواستنەوەی ھەواڵەکاندا.
PM:01:33:29/11/2023
ئهم بابهته 2420
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت