جوتیار یوسف: حكومه‌تی هه‌رێم كه‌مته‌رخه‌مه به‌رامبه‌ر ئه‌فسه‌رانی پێشمه‌رگه
وێستگه‌نیوز-
جوتیار یوسف ئەندامی پەرلەمانی کوردستان له‌سه‌ر فراكسیۆنی یه‌كێتی به رۆژنامه‌نووسانی راگه‌یاند كه:
*هه‌ر پێشمه‌رگه‌یه‌ك سێ ساڵ جارێك مافی خۆیه‌تی پله به‌رزكردنه‌وه‌ی بۆ بێته‌وه.
*تا ئێستا چوار خشته‌یه هێزه‌كانی پێشمه‌رگه پله به‌رزكردنه‌وه‌یان بۆ نه‌هاتووه‌ته‌وه و كێشه‌كه له ئه‌نجومه‌نی وه‌زیرانه.
*هه‌فته‌ی رابردوو كۆبوونه‌وه‌یه‌ك له‌گه‌ڵ وه‌زیری پێشمه‌رگه كراوه كه پله‌به‌رزكردنه‌وه‌ی ئه‌فسه‌رانی دیوانی وه‌زاره‌تی پێشمه‌رگه و هێزه‌كانی 80 ته‌واوبووه
*تا ئێستا كێشه‌ی پله‌به‌رزكردنه‌وه‌ی هێزه‌كانی 70 و هێزی به‌رگری و فریاكه‌وتن به‌رده‌وامه.
*وه‌ك فراكسیۆنی سه‌وز له په‌رله‌مانی كوردستان داوا له حكومه‌تی هه‌رێم ده‌كه‌ین كه جیاوازی له‌نێوان هێزی پێشمه‌رگه نه‌كات.
*حكومه‌تی هه‌رێم كه‌مته‌رخه‌مه به‌رامبه‌ر ئه‌فسه‌رانی پێشمه‌رگه له‌رووی شایسته‌ی داراییه‌وه.
*وا بڕیار دراوه كه ئه‌گه‌ر هه‌فته‌ی داهاتوو پله به‌رزكردنه‌وه‌ی ئه‌فسه‌رانی پێشمه‌رگه بێته‌وه، نابێت داوای شایسته داراییه‌كانی ساڵانی رابردوویان بكه‌ن.
* تا ئێستا كێشه‌ی پله‌به‌رزكردنه‌وه‌ی ئه‌فسه‌رانی هێزه‌كانی 70 و به‌رگری و فریاكه‌وتن چاره‌سه‌ر نه‌كراوه.
* تا ئێستا حكومه‌تی هه‌رێم و وه‌زاره‌تی پێشمه‌رگه خۆیان یه‌كلایی نه‌كردووه‌ته‌وه له خانه‌نشینبوونی ئه‌فسه‌ران به یاسای 38ی خۆمان یاخود یاسای خانه‌نشینی یه‌كگرتووی عێراق، ئه‌مه كێشه‌یه‌كی گه‌وره‌یه.
*ئه‌فسه‌رانی پێشمه‌رگه ئه‌گه‌ر به خانه‌نشینی یه‌كگرتووی عێراق خانه‌نشین بكرێن، زه‌ره‌رمه‌ند ده‌بن.
PM:08:45:30/08/2025
ئه‌م بابه‌ته 288
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت