دەرباز کۆسرەت رەسوڵ: لە کۆبوونەوەکانی داهاتووی یەکێتی و پارتی باس لە دابەشکردنی پۆستەکان دەکەین

‌

وێستگەنیوز-

دەرباز کۆسرەت رەسوڵ، ئەندامی مەکتەبی سیاسیی یەکێتیی نیشتمانیی کوردستان لەمیانەی بەشداریکردن لە پرسەی رۆژنامەنووس بەڵێن ئەحمەد ساڵح لە شاری سلێمانی باسی لە پێکهێنانی حکومەت و گفتوگۆکانی نێوان یەکێتی و پارتی کرد.

دەرباز کۆسرەت رەسوڵ لە کۆنگرەیەکی رۆژنامەوانیدا کە پەیامنێری وێستگەنیوز ئامادەی بوو رایگەیاند، "جەژن تەواو بوو دەست بە کۆبوونەوەکانمان دەکەینەوە لەگەڵ پارتی لەسەر پرسی پێکهنانی حکومەتی هەرێم".

ئەوەشی وت، "لە کۆبوونەوەکانی داهاتووی یەکێتی و پارتی باس لە دابەشکردنی پۆستەکان دەکەین".

لەبارەی پرسی تەوتینەوە ئاماژەی بەوەشکرد، "کە کاتی خۆی هات قسەمان دەبێت لەسەر تەوتین".